阿翔 Linus Cheng 博客

全職旅遊人、單車旅行者,知名旅遊指南《Lonely Planet》中文版作者,著有包括《北海道》及《台灣》。
大學畢業開始愛上背包旅行,足跡遍佈歐亞非多國,熱愛深度體驗各地文化。曾於日本留學及短居,能操日語並熟悉日本旅遊,卻不甘於只玩日本。
2016-2017年間以單車由香港出發,跨越24國到達南非好望角,完成25000公里單車長征,2018年出版個人作品《滾動到世界盡頭》紀錄單車之旅經歷。

OCT 2019

去青森浸蘋果浴




秋天去日本,除咗可以睇紅葉之外,仲可以去食蘋果。

日本最出名嘅蘋果,當然係青森蘋果啦!青森嘅蘋果產量佔日本一半以上,秋天收成時去到青森,隨處可見滿山蘋果,非常壯觀。

青森市南部嘅「南田溫泉Appleland酒店」係一間好有特色嘅蘋果主題酒店,離遠已經可以見到酒店嘅地標「蘋果大觀音像」,竪立喺酒店天台嘅大觀音像手持嘅唔係蟠桃,而係一個金蘋果!

入住酒店嘅話,一入房就可以喺雪櫃搵到兩個大蘋果。

酒店內仲有好多老少咸宜嘅活動,我就報咗DIY蘋果批,其實只係簡單地將蘋果粒放入預先準備好嘅餅皮內,比較適合小朋友玩,燒好嘅蘋果批好大件,雖然好好味,但一個人真係冇可能食得哂!

酒店晚餐亦相當豐富,最推介係「蘋果釀帆立貝」,甜甜酸酸嘅蘋果汁令帆立貝食落更柔軟鮮嫩。

酒店嘅賣點「蘋果之湯」溫泉一定要試,泉水上浮滿蘋果,浸喺蘋果堆入面真係好有趣!聽講仲有保濕同促進血液循環嘅功效,唔知浸完係咪會有「蘋果肌」?可惜「蘋果之湯」只有內湯冇露天風呂,而且泉水有成55度,太熱浸唔到好耐。

津軽のお宿 南田温泉ホテルアップルランド
訂房:http://www.apple-land.co.jp/



上一篇 返回目錄

© 2017-2019 MEG Club.